يااحمر العين قايد قوم ياابن الحلال= ودي اخذ معك قافن يشوق الحضور
والله اني نويتك قبل عدت ليال= مير حظك رمابك في حلوق النمور

يالمنادي لساحات الوغى و النزال = هات علمٍ يسرك قبل يوم النشور
دام جاء لي مع ابن هذيل دور و مجال = و الله اني لحدّه لين دمه يفور

دامت انك نزلت ابشر بكحل الدلال= اكحل عيونك الثنتين وتصير عور
مابنيت المعارف فوق جرف(ن) هيال= من يمين الهذيلي ذوق سد النحور

طبعها يا عرب تكحل عيون الرجال = بالدلع و التغنج قدم وجهه تدور
خابرين حددانا علمهم ما يقال = و الله اني على الجيران قلبي صبور

بعد خصمي عجز جاني بهرج الخبال= التغنج لكم ياحافرين القبور
نعرف اللي حرام وخابرين الحلال= مار ياكثر صبري فوق بدر البدور