الليله الليله نويت ارقى على روس الجبال= واخايل اللي طارفه واوفي بنذري وافتدي
علمي حقيقه قاطعه ماهو بمن نسج الخيال= وانا كريم ومن رجال(ن) كفهم دايم ندي

ماهي جديدة من قديم الوقت يا ولد الحلال=منزالكم واليوم أشوفك يمنا جاي تعدي
علمك صحيح ولا جحدنا علمكم واللي يقال=دهر ديركم طيرك يا ذيب مدري يا جدي

اللي على روس الجبال اشوى من اللي فالهيال= مجود الخصمه وفوق الروس ساديها سدي
انته تباها فاليمن والا تباها فالشمال= لكن اخاف ان طول المشوار يالشيخ تغدي

ليتك قعت بمخدعك ياللي منكس للعقال=ماكان شفتك مع يمين الدرب قايم تحتدي
بشدها فوق الظهور وسمها جوف الطحال=يا صيدة الشيهان توك بالغريفة لخدي

ياثبيت مايضحك رجال العرف غار اللي خبال= اللي توحى هرجته يقول انا اللي معتدي
جودت خصمي بالحبال وعجز مافك الحبال= وان فكها بعد الرباط يصير رجالن هدي

قامت رحاتك تستدير ودشها جوف الثفال=يا هذيل وين شيوخم ثلثينكم في مقودي
رغا جملكم يا هذيل اللي مجود بالعقال=لكن هذي دبرة الله في عباد مقردي