ياثبيت انا جيت لحماكم =لكن ماشفنا حداكم= وسليم بيحته علاكم= ياليل ياليل السهارى
لكن ياثبيت العريقه= شوفوا لكم حل وطريقه= راحت ديركم للسريقه =ياليل ياليل السهارى

انصحك دور للسلامه=لاتطلع بريع الندامه=ونقول غني ياحمامه=ياليل ياليل السهارى
الحمدلله ماغدالي=لوطفل واحد من حلالي=يدرون الاقصى والموالي=ياليل ياليل السهارى

مامنك خوف ولامذله= اطلق شنب حنا نخله= في عيونه الثنتين خله = ياليل ياليل السهارى
الظاهر انك ماانت داري= وش جاك مع سود الغداري= ترمي ببندقك السواري= ياليل ياليل السهارى

تراك عارف كل حاجه =اللي مرض عندي علاجه= ون كان مايعرف خراجه= ياليل ياليل السهارى
اللي سرى باليل غادي= مايستمع صوت المنادي= بكره تجيكم فالروادي=ياليل ياليل السهارى