سلام رديه عدد ماهب نسناس النسيم= معطره بالمسك والريحان رفرف ياعلم
الصيف ركب واستوى ياصاحبي تمر القصيم= ياصقر هيا رف بالجنحان رفرف ياعلم

يامرحبا ترحيبة بالشاعر الذرف الفهيم=وأعوذ بالله منك ياشيطان رفرف ياعلم
الصيف نوخ وأنت يارجال بحسابه عليم=خلك بدارك خوخ مع رمان رفرف يا علم

دام البقا ياصاحبي واركب على الحر الهميم= وليا ركبته سم بالرحمن رفرف ياعلم
انت بدوي ماتعرف الا جنس طاده والحزيم= شوف التمر في ديرة القصمان رفرف ياعلم

كانك مجرب يا صحبي قول بالله العظيم=يا صاحبي جنب عن الديبان رفرف يا علم
السكري ما ينزرع بدياركم ياذا الغشيم=عيشتك دايم فتة القرصان رفرف يا علم

لاتستغش من العلوم يمين انا قصدي سليم= ابن البيوت وسيس السيسان رفرف ياعلم
ان لقيت الما والسماد يجيك منتوج(ن) طعيم=مير البلا مقروص فالاذان رفرف ياعلم

أثر المطوع يا عرب ما ينقرب سم سقيم=مثل العمى يرمي بلا نيشان رفرف ياعلم
أحسبه بالمسجد يسوي حاجز دون الحريم=أثره سوسة تنخر العيدان رفرف يا علم