على شان الرجال اسرجت خيلي للرجال وجيت= سلام الله سلامن من هجوسي جات حزاته
انا ودي بعابد دون قاصر في رجال ثبيت= الا ياالمشرف الغالي تصرف وارسل وهاته

والا ياضيفنا الغالي على سبل العرب حييت= هلا يامرحبا من شاعر معروف حسناته
انا كبرت باسم الله واسم المعتلي سميت= وانا سميت باسم الله وهات النا الخبر هاته

انا جيتك ولا شفتك لنار المعرفه شبيت= تقول الضيف شفنا يارجال العرف مداته
ليا سميت انا سميت وان مديت انا مديت= وانا خابرعريف القوم واعرف كل عاداته

لك الله لوتجينا لين تاصل عند باب البيت= وبعض الناس معروفه بروحاته وجياته
والا ياكثر ماشافت عيوني فالعرب واوحيت= وفيه رجال معروفه وفيه رجال فلاته

انا ادري لو لفينا بابكم ياهيه ماصكيت= تضيفني واقول الرجل ضيف ضيفه بشاته
الا واشيب عيني كلما شفت العرب لديت= لكن اللي يقدم نص كفه ياخذ ملاته

دخيلك لاتزعلني واشب النار بالكبريت= وانا قابلت شاعر مار مدري وين نياته
انا مااذمكم ياطيبين الناس والكم صيت= وانا مااقول قناصة ضبا لكن حواته