جيت للقسم متوجه يا هذيل ويا عتابه=يا عساها حلة بالعز والطيب معموره
قربوا عابد بعلمه القراية والكتابه=الحروف اللي تعلمها على الصخر محفوره

مرحبا عداد براق(ن) سرى يمطر سحابه= السهل فيه الذيابه والجبل فيه النموره
مار انا قاري واعرف اللي يعرفونه شبابه= وانت اشوفك يارفيقي لاش خار ولا ضروره

أمس يا عابد نشدت السبع وأعطاك الاجابه=وأنت تدري بالكبود اللي من الخبث محروره
بعد عديت الجبل إحذر تعشاك الذيابه=من نخش له خشرمة يصبر على لسع الدبوره

انت من روس الرجال اللي لها قدر ومهابه= وانت في وسط الامان ولا سلمت من الخطوره
البعير ليا جفل يرمي على السكه زهابه= مار لاتجحد حقوق الناس والدار مخشوره

واضح إنك ما تشوف عيونكم فيها التهابه=دايم المفتي يحط البسملة في كل سوره
تترك الخط السريع وتتجه يم الشعابه=ظن بالي ما تفرق بين مستوره و نوره