لحظة فرح لحظة حزن تجمعت فيني سوا=لحظة لقا لحظة وداع اتعانقت في خاطري
في داخلي ذيب المحبة لج في جوفي عوى=ساعة شعرت الغالية بعد شوي تغادري
حاولت أكتم لوعتي وأضحك على قلب(ن)هوى=بين الضلوع من الألم يصلى لهيب الساعري
ساعة سمعته يشتكي كنه بمنطوقه كوى=قلب(ن)تعلق بالغلا فيني شعور تشاطري
قالت حبيبي تحبني قلت آه من نار الهوى=وشلون ما حبك وأنا في كل لحظة فاكري
إنك حياتي يا غناتي للجروح أنتي دوا=وأنتي عذابي يا غرامي ملهمة للشاعري
هذا فؤادي كم عطش لكن بعده ما إرتوى=رغم طيوفك كل ليله يا غلاي تسامري
خذي حياتي كلها روحي وفكري ما حوى=دامك نويتي للسفر روحي معك بتسافري
بس المهم أكون معك بداخلك رغم النوى=وأنتي بتبقي طول عمري ماثله في ناظري
لحظة فرح لحظة حزن تجمعت فيني سوا=لحظة لقا لحظة وداع اتعانقت في خاطري