القوافل العربية - عودة مهاجر


	حيـيت ياحـر لفى في محله * من خافقٍ من بيـن الاضـلاع حيـاه تحيــة الخـل الموفي لخله * لا غيبـت طـول اللـيالي محيــاه يافـرحةٍ ما صاغه الشعر كله * دون الاماني خـاب حرفه ومعـنـاه والشـعر كنه مزنةٍ مسـتهله * لهديتـلك لحـن البيوت المقـفـاه جهد المقل اللي شـكى ما حصله * واللي فقلبه عن محـبيه مخـفاه الله من دمـعٍ عـيـوني تهـله * من فرحتي باين على الخد مجراه وليا ذكـرت البعد قلـبي يتـله * تل الرشـا لا صدر الدلو من ماه اطرح عصا الترحال والبعد خله* وعصا حنين القلب ياصاحبي اعصاه كم واحـدٍ يبقى الغنى ما وصله * ما للبـنـادم غـير تدبيـر مـولاه وحب الوطـن في كل حيٍ جبـله * كلٍ يـحن لـدار ربعـه ومـرباه وافطن تـرى ما كل الايـام فـله * لازم يعـكر صفو الايـام مأسـاه وان ما صبرت اضحت على القلب عله* شمات يامكثر على الناس شكواه وغير الوفـي درب الوفـا ما يدله * عن ذروة الطولات تقصير مطاياه حلو اللسـان ومجلسـه ما تـمله * لكن وقـت الضـيق تبدى خفاياه ولا تحاسب الصاحب على كل زله* من ذا الذي في الناس ترضي سجاياه امحا عظيـم الذنـب للي تخـله * مد الوفـا عنـد الاجـاويد تلـقاه وكل حي له مثبـى ومنـشا وحله * وكلٍ علـى ميـزه وعرفه ومبـداه والحر ما يرضـى بعيـش المـذله * لو كـان في ضل القصور المعلاه ومن دق بـاب النـاس دقـوا محله * هاذي بهاذي والمشـالح مضفاه ولا شـك بعض النـاس ياخـوك عله * يعل كـبدك في قباـله ومقفاه ويا صاحبـي فرضك مع النـاس صله * من نام عنها ضاع دينه ودنياه وكثـر المشـاكل للسـنافـي تخـله * لو كان ابـو زيد الهلالي وحلياه سـطرت لك معـناي دقـه وجـله *** ياكاسـب الطـولات والعـز والجاه