الجادل اللي شعرها فوق الأمتان=كنه ثعول الوبل لاجا مدلهمي
وليا تحرك متنها بان ما بان=لماع كنه برق بمزن(ن)يلمي
يهتز له قلبي وفكري والأعيان=وأنسى على ما قيل بالله أسمي
يشت فكري بين زايد ونقصان=حتى الكلام يضيعي في جوف فمي
أنسى الزمن وأنسى سواليف وأحزان=ما حس غير بنبض قلبي ودمي
والشوق في جوفي مثل نار بركان=مع ثورته في كل صوب(ن)يرمي
لكن تاه وتهت من غير عنوان=ماني بلا يمه ولا هو بيمي
تباعدت أقدارنا مثل الأوطان=رايح بهمه مثل ماني بهمي
هذا الزمن ماهو مثل ماض الأزمان=حتى الجمال يجيب للروح غمي
مر بحياتي وأصبح اليوم في كان=الجادل اللي ليت واليه عمي