يارياح الشوق هبي وإحملي شوقي لشوقي=خلي الغالي يصدق بالغلا لو كان غايب
إحملي نبض المشاعر بالقوافي والطروقي=وإرسميها للحبيبة لوحة(ن)فيها عجايب
بلغيها بالسلام وبلغيها بالحروقي=قولي إنه يوم غاب أشوفها أم المصايب
كل ما حاولت أسلي خاطري عيا يروقي=ما يروق الفكر وأنا منشغل فوق الحبايب
أتخيل صورته عند الغروب وبالشروقي=وأتخيل همسته وأذوب لو ماكنت ذايب
كل نبضة في خفوق وكل قطرة في عروقي=دمي وروحي تناديها وأنا ماني بطايب
لين أشوفه قدم عيني لأجل أنا فوقه شفوقي=الغرام اللي عشقته مالها بالقلب نايب
وإن حداه الوقت والا ينتظر مني حقوقي=يا هبوب الشوق قولي له تراه القلب أيب
معترف له بالحقوق اللي ترده بس فوقي=لو يقول الشمس تطلع من شمال أقول صايب
وإن تمادى في عناده بنتظر عله يفوقي=لو يصبح رمش عيني من فراق الزين شايب
ياهبوب الشوق هبي وإحملي شوقي بذوقي=بلغيه الغالي اللي له زمن ماشفت غايب