n=center]هذه المحاوره جرت بيني وبين الشاعر الكبير العلم/فواز منيع الله في احد المنتديات

سعد=
ياسلام الله سلام(ن) تلتهب نيرانه=وان لقي شعار زادت لهبة النيراني

كل شاعر فالمواقف حجته بلسانـه=ياهل الوادي لفيت وحجتي بلساني
فواز=
مرحبا وان كان كبدك ياسعد مرضانة=عندنا طب يداوي علـة المرضانـي

هات علمك واخذ مني هرجة مليانة=يمكن انك بعدهذا الليـل ماتنسانـي
سعد=
البقا وانا صحيح ولا اتبع السقمانـه=اثر خصمي في زمانه ياعرب سقماني

جبت واحد صح والثاني نبا برهانـه=مير عجل ياعميلـي قـدم البرهانـي
فواز=
ليت هـذا المنتـدى مافكلـك بيبانـه=لاجل ماتنشب ولا تبلش فبو ريانـي

لاتروح الصادرة من عندكم ضميانـة=وانتم اهل المعرفة من سابق الازماني
سعد=
ابك انا راعي محل اما انت مالك خانه=حلة رجال الوفا تلغيـك ياالهريانـي

انت مقلقك الدهر من جملة القلقانـه=هد وضعك لاينوشك سيفنا شامانـي
فواز=
والله انا ماتعودنـا علـى الهريانـة=واخسارة كيف ضاعت ورثة الجداني

المطـوع ياجماعـة ملتـه خربانـة=شرهتي فاللي يقدم واحد(ن) خرباني
سعد=
الدليل انك تقرمش عيشـة الرمانـه=مير قللي كم تعشيتـو مـن الرمانـي

المطوع في زمانه مايعـرف الخانـه=حافظ(ن) فرضه ويعرف رتبة الاركاني
فواز=
احمد الله في محل(ن) عامر بيضيفانة=بعـد كبانـا ديارمجـوع الضيفانـي

المطوع من يطب المعركة بحصانـة=ماهو اللي فالجهاز يـردد القيفانـي
سعد=
المحل اعطاك فوله مع طـرف قرصانـه=البلد مافيـه غـار الفـول والقرصانـي

العوض كبش(ن) سمين تنومسك عصبانه=ماني من اللي يعشـي صاحبـه حيتانـي
فواز =

نشتري مانشتهي لو الغـلا باثمانـه=ماسرينا لاجل ناكل عيشة الفقرانـي

خل كبشك لاجل فواز الولد واخوانه=قطعه في نص كيلوا واعطه البزراني
سعد=
من سرى في نص ليل الله عليم بشانه=مير دندن بعد اكلتو تمـرة الشبعانـي

الك راسه يحتريك ونص من كرعانه=حوفك حبيب واشوفك مثل شي (ن) ثانـي[/poem]

صح لسان فواز

وصح لسان سعد


محاورة رائعة وجميله

الله يعطيكم العافيه

تقبل تحياتي