ياراعي الصدق بعد النقطه الفاصلة = لا عاد تومي بيدك عند قصاصها
حنا صبرنا يالين القصه الحاصلة = لابد تصبّر على البلجيك ورصاصها

علمك عوج وانصحك يالذيب لاتواصله= حملة رجال الوفا تلغيك من باصها
الثابته ثابته ماهي كما الناصله= لاتقرب بحورنا ماانته بغواصها

يمكن معك ! لان مال الصدق بك اي صلة = نكبت ركّابها والوحّتها فـ شاصها !
سلك الوفا شابكة ولا الردى فاصله = والباقيه الكهربائى جا ثم حاصها !

اغواك عمك بليس وصرت رقاص له= محسوب من شلته واثرك رقاصها
هات اللبن زين كب اللبنه الماصله= تخفي مواطيك لكن جاك قصاصها

على قول الصعيدي بص لي باص له = وانته لا نت متعينها .. ولا بـاصّـها !!
عن الزياده اخذ مكتوبي الخاص له = قله بعض الاسامي غلطتك .. راصها !!!!

يااللي لبست لك ثوب(ن) ماانته مفصله= شرد المها ماانت ياذيبان قناصها
لكن اوصيك ياسلطان حبل الصله= اقتد بعمار مع خالد ووقاصها