محاورة بين مستور وصياف...؟؟؟؟
 

هذه احدى المحاورات الرائعه بين الشاعرين الكبيرين مستور العصيمي

ابو تركي والشاعر صياف السحيمي الحربي....

اترككم معها..

صياف السحيمي الحربي:

اشوف مستور العصيمي جاب حبله وجمله= وليا قضى تمر الحسا جاني يبي تمر القصيم
إن مد وحده من يديه املا يدي واحطله= وان كان مد يدينه الثنتين اقول الله كريم


مستور العصيمي:

ان كان عندك تمر جيتك بالبعير وحمله= لكن لاتخلط لي التمر الجديد مع القديم
أظن صياف السحيمي ناسياً وش قلت له= وان كان ناسي قول ياصياف بالله العظيم


صياف السحيمي الحربي:

التمر يامستور ماعندك سنون تاكله= اكل الضروس السوس والنيبان مافيها سليم
ياللي تبي ترضي هذاك وذاك تبغى تزعله= اهون عليك اللفلفه والا الطريق المستقيم



مستور العصيمي:


لابدنا نلقى لنا غيرك عميلً نعامله= وانا ضروسي من حديد وت**ر العظم الصميم
وان كان ماتدرون ويش الراي خلوه لهله= قد قيل بالامثال مانزال شدد له مقيم


صياف السحيمي الحربي:

ينفك باب الخير للطرقي وحظه يقفله= درب الصحيح يجيده العاقل ويخطيه الغشيم
اليا نقصت الكيل والمكيال قلنا كمله= حنا ترى ماعندنا فاصحابنا خشم وخيشم



مستور العصيمي:

بان الصحيح وكل رجال عرفنا منزله= احد حياته في شقاء واحد حياته في نعيم
اللي يبي كحل العيون يلد يمي واكحله= والا على قول المثل مال الغريم الا الغريم

رد: محاورة بين مستور وصياف...؟؟؟؟
 

لك الشكر على ماقدمت سلمت يمناك و لاعديمناك

لك خالص التحية

رد: محاورة بين مستور وصياف...؟؟؟؟
 

تسلــم يمنـاك وأحسنت الأختيــار

لك تحياتي

رد: محاورة بين مستور وصياف...؟؟؟؟
 

مشكور على النقل

رحم الله صياف

لك

تقديري

رد: محاورة بين مستور وصياف...؟؟؟؟
 

مشكور وبيض الله وجهك

نقل جميل

لك

تقديري

رد: محاورة بين مستور وصياف...؟؟؟؟
 

القناص

الله يعطيك الف عافيه ياغالي

على هذا النقل الرائع والمميز

لك مني خالص التقدير

رد: محاورة بين مستور وصياف...؟؟؟؟
 

القناص



شاكر لك على هذا النقل المميز



الله يعطيك ألف عافيه


تحياتي