القوافل العربية

القوافل العربية (https://www.alqwafel.com/vb/index.php)
-   قوافل محاورات الأعضاء الشعرية (https://www.alqwafel.com/vb/forumdisplay.php?f=22)
-   -   تنسيق محاورة الشاعرين الكبيرين علي وعيضه (https://www.alqwafel.com/vb/showthread.php?t=12759)

سعد حميد الثبيتي 08-01-2010 02:16 PM
تنسيق محاورة الشاعرين الكبيرين علي وعيضه
 
هذه محاوره جرت بين الشاعرين الكبيرين علي الثبيتي وعيضه الثبيتي

عيضه
سـلام ردَّة وفـاء ..والعـذر للطيِّبيـن=نعلى الغياب المطوّل.. نطلب المعـذره!!
يالنشمي القوم صفَّوا من يسار ويميـن=أنته مع الميمنـه والاّ مـع الميسـره

علي

يامرحبا والعـذر يقبـل مـن الغانميـن=وراع الوفاء نلتمسله عـذر ونقـدره!!
الحق ياحضرة الكبتـن مايرضـي ثنيـن=وانا تراني مع المضلوم ليـن انصـره!!
عيضه

مانـي مديّـن عبـاد الله ولا مستديـن=من فضل ربي وجوده ..وأحمده وأشكره!!
هوى على روسكم نجم وغديتوا طحيـن=لا بالله الاّ جنايـز مالـهـا مقـبـره
علي


لاوالله الامديّـن مـار ربــك يعـيـن=كسرت ساق الجمل وازريت لا تجبـره!!
سبة فعايلـك ياعبـاس راحـت جنيـن=والسر فاللقمه اللـي سـدة الحنجـره
عيضه

انا معي سيفي اللّـي يـردع المعتديـن=والا أنت لا معك لاسيـفٍ ولا خنجـره!!
لو جيت معنا نبى نعطيك سمن وسميـن=مير أنت روّحت تتبـع جـرة الشنفـره
علي

حزمتك بسيف اباك اتحـارب الطامعيـن=واقول كبتـن عتابـه فالقـا عنتـره!!
وسلمتهم سيفك ومحزمـك والمارتيـن=واتنوخ ابعيـر ربعـك للعـدا تنحـره
عيضه

الناس ماغرّهـا الاّ بليـس اللعيـن=لكن أبا اقرى عليه الراجفه وأقهره!!
ولا يلحق الاولات الاّ طويل اليديـن=واللّي يدينه قصيره بالندم بشّـره

علي


طاوعتو ابليس لين افرحتو الشامتين=حتى غديتو وصرتو للملا مصخـره!!
خيبت ظني وخليت العـرب فرقتيـن=وانا اعرف اللي يهدم الجدر مايعمره!!

صقـر عتيبـة 08-01-2010 02:21 PM
رد: تنسيق محاورة الشاعرين الكبيرين علي وعيضه
 
راع الصدق

صح السان الشاعرين الكبيرين علي الثبيتي / عيضة الثبيتي

تسلم يمينك على ها التنسيق تنسيق جميل ومميز

تقبل تحياااااااااااتي الخااااااااااااصه

صقر عتيبة

سعد حميد الثبيتي 08-01-2010 02:50 PM
رد: تنسيق محاورة الشاعرين الكبيرين علي وعيضه
 
لاشكر على واجب ياالغالي ومنك نستفيد انت معلمنا ونحن تلاميذك دمت في حفظ الرحمن

ابو عبدالرحمن 08-01-2010 03:50 PM
رد: تنسيق محاورة الشاعرين الكبيرين علي وعيضه
 
راع الصدق

صح السان الشاعرين الكبيرين علي الثبيتي و عيضة الثبيتي

بيض الله وجهك على النقل الراااائع المميز

تقبل تحياتي

فواز الثبيتي 09-01-2010 12:24 AM
رد: تنسيق محاورة الشاعرين الكبيرين علي وعيضه
 
مشكووور يا راع الصدق على التنسيق



محاورة في قمة الروعة والجمال



عيضة شاعر قبيلتنا وغني عن التعريف



وعلي شاعر عنيف وارجو منه الظهور على الساحة الشعرية ومواجهة عمالقة الشعراء في ميادين


المحاورات الجماهيرية



وفالك التوفيق يابو عيسى


الساعة الآن 09:53 PM

Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi

الحقوق للقوافـل العـربية: جوال الرسائل 966553850455+

a.d - i.s.s.w