مشتاق لي وأنا بعد كلي أشواق=شوق معقب بالحنايا جروحي
لي مدة(ن)الفكر مشغول ما راق=يلج صوته وأنت منته بتوحي
البال ما يرتاح من رجف خفاق=يعانق أطيافك ومشغل لروحي
مابين كيف وليش بعراك وخناق=ومابين تصريحي وسري وبوحي
كتبت لك مشاعري فوق الأوراق=كشفت لك أسرار جد ومزوحي
وأظن كل اللي نثرت لك ما راق=وش عاد تبغا بعد كسرت طموحي
الى متى وأنا مع الهم بسباق=أركض ورا برق(ن)مقفي يلوحي
تعبت من هز الهوى مثل دقاق=ودم(ن)من الأشواق كنه يفوحي
لو قلت لي ينطاق ماهو بينطاق=لكن وين دواه زود قروحي
ومن لا يعرف الحال ماهو بشفاق=ميزان حاله يم غيري رجوحي
حتى لو إنه مثل قال عشاق=لا حدته أيام وقته يروحي
وأخر كلامي خاطري يا غلا ضاق=من غيبتك عني وحظ(ن)شحوحي
مشتاق لك والشوق للروح حراق=اليا إندمل جرح(ن)تجدد جروحي

بن هليل


صح لسانك وعتلا شانك

فصيده راااائعه ومتميزه

الله يعطيك العافيه

تقبل تحياتي

حياك الله يابو ناصر


تشرفت بمرورك وردك الطيب

صح بدنك ولا هنت


لك تحيتي

صح بدنك ولا هنت



سعدت بتواجدك وردك