مشتاق لك لو كان قلبي يضمك=غلاك في جسمي يحرك عروقه
فكري وروحي كلها جات يمك=والقلب ولع نار من زود شوقه
ودي أكون بعالمك كل همك=بعد غديتي بالخفوق معشوقه
ياوردة الأيام روحي تشمك=فيني وله والفكر يمك يسوقه
أشكي عطش والشرب من غزر يمك=سحائبك تسلب عيوني بروقه
تجرين في دمي وأنا جوف دمك=وأحسك(ي)بلسم لجرح وحروقه
ودي أسمي كل مزيون بسمك=يغلى من الغالين وأصدق صدوقه
السحر كله مجتمع حول فمك=شكل وكلام وشهد منهو يذوقه
يرم الهموم ليا تلوى بكمك=الوقت ينسى مغربه مع شروقه
فيك الجمال وزود بلحيل فهمك=وفيك الأدب والذوق عنوان ذوقه
أنتي غنات الروح دمك ولحمك=عنوان عشقي والقصائد طروقه
ياليتني بعَد النسب بن عمك=لأجل العرب إتقول هذي حقوقه
مشتاق لك لو كان قلبي يضمك=غلاك في جسمي يحرك عروقه