بسم الله الرحمن الرحيم

حبيت انقل لكم هذه القصيده وهي للشاعر العملاق / رشيد الزلامي
وهي عن كلمة نــــــــــــــــــعم التي اصبحت كلمه دارجه لدى الجميع ونستطع ان نطلق عليها مسمى عاده اي انها اصبحت عاده عندما يقال هذا فلان يقال له ونعم سوا كان هذا الشخص يستحق ام لا ؟
فيقول شاعرنا ابوجميــــــــــــــــــــــل




يا موزع النعم خل النعم لاصحابـه
...... ما ينعطي غيـر للـي يستحقونـه

يستاهل النعم رجـل فاتـح بابـه
........ للضيف والي حداهم حـال يلقونـه

اللي بوقت اللزوم تشوف مضرابـه
....... .... سيـف تحـده لزومـه مايحدونـه

ولد الردي لاتقول ونعـم يضرابـه
...... يرهي على نعم وهوه طايح دونـه

ان قلت له نعم راح يفتـل اشنابـه
..... يحسبك صادق مايدر النعم وشلونه

يطمع بشي يموت الخبل ما جابـه
... .... ثم قال انا جبت نعم الـي يقولونـه

بعض العرب يحلمون احلام كذابـه
.. .... ومن لاعرف قدر نفسه عد طبلونه

يجيك مسرع مايدري ويش يبلابـه
.... من قلت العرف مايمشي على هونه

اما على اقرب قريب يشيل مشعابه
... .... والا بعرض المقفي سـل مسنونـه

تناول الغافليـن وكثـروا احزابـه
...........الي علـى قلـة الشيمـه يدفونـه

واهل العقول اسكتوا ماقالوا الجابه
........ .... لاينقصونـه بشـي ولا يزيدونـه

قالوا هذا فيـه عاهـه وبتلشنابـه
...... ..... والا هـذا فيـه شـي مايعرفونـه

اما عرضله بليس وكثرت اسبابـه
........ .... والا عطا لـه خريمـه مايردونـه