بداية كلام الفاتنة والخطأ مني=بعد غبت عنها يوم ما عنها أسأل
تقول الرحيل أخشاه ياخي يؤلمني=أخافه وأخاف أموت لو قلت لي برحل
ليا كنت ناوي قول لي لا تفأجيني=أنا صرت مقدر غيبتك يوم متحمل
دخيلك دخيلك قولها بس طمني=وأنا بوعدك لو قلتها يا غلا مازعل
ليا كان لي خاطر طلبتك تعلمني=وأنا مستعده بعدها بكل ما يحصل
عجب كيف تحسبها كذا هي تعرفني=بأن الكلام اللي تقوله فلا يعقل
أنا مستحيل أرحل ولا جات في ظني=أنا كيف برحل وأنت في عالمي أفضل
لكن الظروف تحول ما بينك وبيني=ظروف الحياة اللي قساها يعم الكل
غيابي ترى ما هو بكيفي تحملني=لعل الزمان يزين وأجيك ونكمل
سواليف عمر(ن)جاي وأكيد فاهمني=وماهو قطع في غيبتي بكره نوصل
ليا زانت الأحوال بجيك كلمني=تدلل على قلب طناه الهوا والدل
على كيف ما تهوى ليا جيت لملمني=تراني أحبك وأعشقك وأنته الأول
ولو كنت يا قربك ويا مبعدك عني=قريب لروحي وأبعدك عني المنزل
نسيت الهوى قبلك وذا لحين جنني=غرامك بجوف القلب تل المشاعر تل
عواصف رياح الشوق يمك بتحملني=ويبقى قرارك وأنت مشكور ومجمل
قساوتك والا لينكم شيء يسعدني=بنفذ لك المطلوب لا يمكن أتوسل
نهاية كلامي كان قصدك بتحكمني=أنا طحت بين يديك راضي بما تفعل

بن هليل


صـــح لسانك وعلا شانك


قصيده في قمة الجمال وروعـــه


تقبل تحــــــــــياتي