يمْهم دوم تسْري يا خفوقي وتلْفي
لا سألْتك علامك قلتلي صار خير

حبهم بك تمكَّنْ قلت يالله تشْفي
حالتك ياخفوقي فالهوا ما تصير

كلْ ماجنّ ليلٍ قلت هاليل تغْفي
وكل ماحنّ قلبك يمَّهم عجِّل السير

برد ليلك هبوب وشوقهم ما يدفِّي
التمس فيك نبضٍ كود قلبك عسير

وشْ كثر ماعطيت وحبهم مايوفّي
حبهم ياخفوقي في صميم الضمير

ساري اليل علِّم صاحبك كيف يعفي
كيف لاصار قلبك عند غيرك أسير

ساري اليل دايم يمْهم ما يكفِّي
قادر الي بلاك يبدل الحال غير