ردي عليه قلبي اللي نهبتيه=والا خذيني معه خليني أرتاح
هذا الفؤاد اللي بكيفك ملكتيه=يفداك ياست العذارى والأملاح
غدا معك من يوم منتي سكنتيه=وأنا غديت من البعد كل جراح
قلبي غدا والعقل مني سلبتيه=وأنا نسيت أدوره عقب ما راح
شيء أذكره وأظنك(ي)ما نسيتيه=إنك ملكتيني بلا سيف ورماح
هو سهم من عينك عليه رميتيه=وأثر السهم من نظرة العين ذباح
وقع بقلبي بدون رحمة نتلتيه=أثر العيون سهومها تقصف أرواح
لدي بنظرة ثانية لا ذكرتيه=صار الضحية عاشق عيون سفاح
ليتك قبل ما تطعنينه سألتيه=لكن هو في كل الأحوال قد طاح
طاح بغرامك رغم ماهو فعلتيه=من غيرك(ي)ماعاد يشعر بالأفراح
ياغالية كانك بلحظة رحمتيه=قولي هلا ويجيك طائر بلا جناح
وإنكان رحتي ما سألتي وهجرتيه=باق العمر يقضيه في هم ونياح
ردي عليه قلبي اللي نهبتيه=والا خذيني معه خليني أرتاح