تعبنا من الزمن ماعاد نبغا من الزمن حاجه = عسى الله يثبت الخافق على دينه وتنزيله
الا ياوجد روحي من فواد(ن) يصعب إعلاجه = جرحه الوقت حتى صار من وقته ابه ميله
الا ياويل حالي من خفوق(ن) زادت أمواجه = مابين المد والجزري غدى للقلب تحويله
ياعيني علميهم قولي النيران وهاجه = وتحرق بالحنايا والحنايا مابها حيله
بعد بدر الزمن صابه خسوف وظلم اسراجه = غيابه أسهرك ياعين مانمتي ولا ليله
سجين العين يرجو من آسيره يعلن إفراجه = لكن القاضي آجل القرار لحين تكميله
احبه كثر ماطافوا ببيت الله حجاجه = وعدد ماهلت المزنه بواد وسيلت سيله
متى يأمر متى يطلب متى يضحك لي احجاجه = متى شوفه متى أخذ معه جوله وتعليله
وزاد الطين بله يوم حظي طاحت أبراجه = قسى وقته عليه وحط من دونه توصيله
زمان(ن) شاب منه الطفل وهو مايعرف ادراجه = يشيب بالرضيع وحط اله حاجز وتظليله
زمان(ن) يامحمد ماعرفنا كيف مخراجه = ياويل القلب من تال الزمن ياخوك ياويله
آلا يالله لطفك ياعظيم وقاضي الحاجه = تثبت خافق العابد على كتابك وترتيله