ليت المطوع مر بالصيف سوريه=
يشوف ديرتهم وطيب ثمرها=
ولو المطوع شاف سوق الحميديه=
اما جمع للخمس والا قصرها=
كان المطوع حط هذي على ذيه=
مير الله المعبود ربك سترها=
يقولون يم الشام زينات منقيه=
ماهي كما اللي عندنا ونخبرها=
مافيه غلطه صح مليون بالميه=
يقولونه اللي سيروا في قطرها=
سمعت والا مالنا يمها نيه=
الربع شافوا بالجرائد خبرها=
وليا عزمني صاحبي قلت ما فيه=
من قلة الطاقه وغبة بحرها=
أنا يادوب تقلني عاد رجليه=
مقدر على اللي زايده في بطرها=
والشيخ ليا منه تولى له مطيه=
اما عسفها زين والا دمرها=
كود المطوع قال لي جائز كذيه=
في ذمته بفك باقي صررها=
ما عاد ابا جدة ونخل الثوابيه=
الله يخليها لمن هو عمرها=
بروح يم الشام واخذ لي شويه=
للديره اللي كل واحد ذكرها=
وختامها يالله يا غافر السيه=
تغفر لي الزله وتمحي لأثرها=

المشاركة الأصلية كتبت بواسطة ابن عميش (المشاركة 90254) بن هليل صح لسانك على هذا الابداع الراااائع والمداعبه الجميله وابشر بعزك مشينا بعد العيد والا وش رايك نعيد بالشام يازين ديرتنا ...الله يعطيك العافيه ...تقبل تحيتي وتقديري

المشاركة الأصلية كتبت بواسطة صقـر عتيبـة (المشاركة 90256) بن هليل صح السانك قصيده جميلة مميزة ننتظر جديدك لــــــك تحيااااااااااااااااتي صقر عتيبة

المشاركة الأصلية كتبت بواسطة الــزعــيــم (المشاركة 90260) صح الله لسااااااااااااانك مداعبه جميله ومميزه الله يعطيك العافية تقبل تحيااااااااااااااتي الخاااااااااااااصة

المشاركة الأصلية كتبت بواسطة راع الصدق (المشاركة 90275) صح لسانك مليون على هذه المداعبه الخفيفه وابشر يابو عبد الله برد يداعب هذه المداعبه تقبل اعجابي بشده وبيض الله وجهك بياض يرقى على روس النايفات