الأوله ابدأ بذكر الله عظيم الشان علاَم الغياب = الواحد اللي كلنا نسجد ونطلب رحمته
والثانيه ياوجد روحي كل ماشفت الهضاب = اذكر وصوف اللي فوادي من ضلوعي شلته
اللي تأخذ من غروب الشمس ونقشات الخضاب = وتشبه سواد اليل ليا أرخا علينا حلته
يـاوجـد حالي مـن شريم الفم طويلات الرقاب = سـفـيـنـة الـصـحـراء حـقـوده والـعـدو مـاخـلـتـه
مـواتـر الـبـدو الـذي مـنـزالـهـم جوف الشعاب = عـلـى ظـهـور الابـل تـرحـل والـتـعب ما ملته
ليا مشت مـن ثقل خُفْ رجولها تهز التراب = والبانها تشفي عليل(ن) طايح(ن) من علته
ترقى بصاحبها من صرف الدهر فوق السحاب = الفايده فلحومها لو ماحصل غير قلته
الوانها وأشكالها فيها العجايب والعُجاب = كم حمل كايد ابركتله ومن مكانه قلَته
يالله ثبتنا على الطاعه وترتيل الكتاب = يالواحد اللي كلنا نرغب في مسكن جنته

المشاركة الأصلية كتبت بواسطة مبدع القاف (المشاركة 90197) صح الله لسانك يالذيب ,,, وافي طال عمرك ولا قصرت ,,, ابيات جميلة ,, ورائعه حقيقة ,, الف شكر لك ,, لك تحياتي

المشاركة الأصلية كتبت بواسطة binhlailبن هليــل (المشاركة 90206) صح لسانك وبيض الله وجهك ما قصرت يا راع البل الله يعطيك العافية