مساجله بين الراوي والشاعر
 

بسم الله الرحمن الرحيم
مساجله بين الشاعرالقدير / مبارك طناء مبيريك الشريهي والراوي الشهير/ فواز الغسلان
يامبارك وش اللي لاقريته يعيذ = من هجوس(ن) نتاجه بالضماير رضوض
حظي اللي مشالي في حياتي لذيذ = دار بي وأغرقتني موجعات الحظوظ
دمع عيني ليا نام الخوالي رذيذ = والسهر صار عندي من عديد الفروض
عقب حكم(ن)صدربي صارجسمي جذيذ = وأول (ن) كان زاهي كالخزاما بروض
قلت نشكي لحضرة من جنابه يليذ = عقب ريح (ن) عجزنا من هبوبه نجوض
قالو الناس هذا شذ فكره شذيذ = عقب عقله نشوفه بالهذاري يخوض
قولهم بذ همي بالضماير بذيذ = قلت نرضخ وربي قادر إنه يعوض
الراوي / فواز الغسلان
يابن غسلان كني شارب(ن) لي نبيذ = من غرابيلي اللي في حلوله غموض
لو نفذ كل هم الناس ماله نفيذ = راسين بالحناياء لعنبوه معروض
وكل مافذ من همي توالي فذيذ = كمله حظي اللي ماقوي للنهوض
ياعشيري وربي مؤخذن بي وخيذ = للغلى والشماته ماخبرتوا نقوض
سبت اللي ليا قذت بعينه قذيذ= وشفتخدن كما البارق بليل(ن) ينوض
قمت أصلي وأعيد القلقله و أستعيذ = من بلاوي حبايل ميبسات اللحوض
وإتكالي على رب ٍ عليه النقيذ = أنزل الذكر للمسلم جعله محفوظ
الشاعر/ مبارك طناء مبيريك الشريهي الشمري

رد: مساجله بين الراوي والشاعر
 

مشكور على النقل المميز


لا شك يدل على شاعرية



قافية طوعاها لمبتغاهما


لك خالص التحية

رد: مساجله بين الراوي والشاعر
 

مبارك الشمري

صح لساااانك ولسااااانهم ..

تسلم وكل الشكر لكـ

تحيااااتي لــكـ

صقر عتيبة

رد: مساجله بين الراوي والشاعر
 

صح الله السنتكم جميعاً

والله يعطيكم العافية

تقبل تحيااااااااااااتي الخاااااااااااااااااصة

رد: مساجله بين الراوي والشاعر
 

صح لسانك مليون ولا يكفون



كعادتك مميز مبدع


نص وافي من وافي



بيض الله وجهك

رد: مساجله بين الراوي والشاعر
 

صح لسانك مليااااااار


وصح لسان من جاريته



قصيدة وافية لا هنت



نص جميل وعذب



لك خالص التحية