مساجله بين الراوي فواز الغسلان والشاعر/ مبارك طناء
 

بسم الله الرحمن الرحيم
موجهه للشاعر/ مبارك طناء مبيريك التبيناوي
يقول اللذي ساق القوافي وهو محتاط = تشادي نواوير الخزاما بجال الروض
لأن اللذي نسند له القاف ماينهاط = وقوله غدا عند العرب ساري ٍ محفوظ
يصف المعاني والمثل صفت الشخاط = يجيبه تطابق منطق العقل والمفروض
بيوتن لقط طيبه ومعناه بالملقاط = ورمحه بصيدات المثل دايمن محظوظ
سريع (ن) حظور القاف ياتي كما المخباط = يجيبه ويشفي خاطر الضايق الممروض
مواريث شعارن مضت مابها مغلاط = خذاها وصار اليوم بالربع نعم العوض
مبارك لغلق القاف والكايده شعاط = علامه ثمان أيام صدره تقل مغيوض
إذا كان جمر العشق في ضامرك مشتاط = وقفنا معك لين العطاشاء تذوق الحوض
ونقلط معك باللي ترى كان به مقلاط = بمالي وجاهي ثم نكتب المعروض
ونطلع مطاليعك وننزل مع المهباط = ولو كان مع طيرن شلع جانحه منفوض
الراوي / فواز الغسلان
سلامي عدد من طاف بالبيت سبع أشواط = هلا بالرساله والتماثيل والملحوظ
هلابه عدد رمل السوافي بعرض قطاط = هلا عد ناس (ن) بالهوى حقهم مبهوض
هلابه عدد سكان الأردن لشرق الغاط = هلا بالبيوت النادره والهزل مرفوض
بالأشعار والتاريخ الأول خذيت أنواط = جمعت الروايه وأطيب الشعر والملفوظ
غنين عن التعريف كالشمس ياسقراط = لك الشكر يالراوي وشورك مهو منقوض
أبد ماعلى حالي مجرد شوي إحباط = نهاية غلى ماأدري بداية ردات حظوظ
على اللي جماله يتعب الماهر الخطاط = ولا عنهم الذاكر ولا أدري وش العاروض
أنشد زميلاته والأبلات والخياط = من سنين وعيون الشقاء ماأهتنت بغموض
توارد غرابيلي من الكم والقيراط = سببها قوي العزم مايستطيع نهوض
يقولون قالو قيل من طلعت التمياط = مشو بإتجاه الغرب والعفش ميل الحوض
من أرسلت يافواز يمه طلع خراط = رجع باردن وجهه تقول آكله باعوض
يمثمث تقل يعطيك الأخبار بالشفاط = وأنا كن في صدري لهايب سموم إقيوض
الشاعر/ مبارك طناء مبيريك التبيناوي الشمري

رد: مساجله بين الراوي فواز الغسلان والشاعر/ مبارك
 

عبدالله مبارك

تسلم على الأختيار

وصح لساااانك ولسااااانهم ..

تسلم وكل الشكر لكـ

تحيااااتي

رد: مساجله بين الراوي فواز الغسلان والشاعر/ مبارك
 

كل الشكر لكـ


على طرحك الجميل


الله يعطيك ألف عافية

لكـ تحيتي

رد: مساجله بين الراوي فواز الغسلان والشاعر/ مبارك طناء
 

يا سلام عليكم


صحت الالسن

قصيدتين رائعة


البدع والرد

رد: مساجله بين الراوي فواز الغسلان والشاعر/ مبارك طناء
 

مبارك الشريهي


صح لسانك


ماهي غريبة عليكم شعار متمكنين

رد: مساجله بين الراوي فواز الغسلان والشاعر/ مبارك طناء
 

صح لسانك مدد ماهو عدد


وافية من وافي


بنتظار جديدك

رد: مساجله بين الراوي فواز الغسلان والشاعر/ مبارك طناء
 

مبارك الشريهي




صح لسانك مدد ماهو عدد



ابداع لا هنت


لك خالص التحية

رد: مساجله بين الراوي فواز الغسلان والشاعر/ مبارك طناء
 

صح لسانك مليون ولا يكفون


ابداع بلا حدود


الله يسلمكم جميعا

رد: مساجله بين الراوي فواز الغسلان والشاعر/ مبارك طناء
 

مبارك



صح لسانك مليون ولا يكفون



مبدع لا هنت

رد: مساجله بين الراوي فواز الغسلان والشاعر/ مبارك طناء
 

صح لسانك يالنشمي


وافية من وافي


كذا الجزالة