عروس لبستها يا صاحبي بالثياب=وأرسلتها للعريس وفوقها ما بديت
يا زينها يوم حطت باليدين الخضاب=هاثم طبت تجاكر بالخضاب البنيت
لكن جتها بنات القوم فوق الركاب=مشرعة بالجواهر وأنت شفت ورأيت
الزين بعيونها والطول زاه الرقاب=من راسها لين ماطها جمال مميت
ويزفها للعدل ياذيب لابة ذياب=ما تسمع الا صياح القوم وأنته سهيت
خليتها تنطحن ما بين ضرس(ن)وناب=حفيت من الطرد وأنته ياعتيبي حفيت
لكن صبرك تعلم دام وقت الشباب=الك عيون تدلك شوف وإلا إنعميت
لا تكسل تقول أنا مليت والفكر شاب=دور عن القاف لأجل يجيب سمعة وصيت
جرب بحور القوافي وشوف طعن الحراب=وإجمع شتات المعاني لا تروح شتيت
الفارس اللي مضرا بالطعن ما يهاب=وأنا تمنى أشوفك ند لإبن نحيت
أركض بخيلك وجهز للضوامي شراب=جهز حزابك ليا منك لدربك نويت
والا توقع وخل السيف جوف الجراب=لا تسحبه من جفيره وأنت له ما قويت
يازين زبد البدو لا صار جوف العياب=وليا طلع للسمايم ينسلي ما دريت؟
مير البدو طبع فيهم ما تحفظ الكتاب=تطرد ورا دبشها من الصبح لين المبيت
أحيان تلقا شبه بين الصقر والعقاب=لكنها بالفعايل ما تجي يا ثبيت
ترا الصقر يا عتيبي ما يناسب غراب=واللي يحب المعالي يلتقي ما لقيت
العقل ما يشحذه الا علوم الحساب=والدرب ما تقطعه لا كان عنه إحتديت

صح بدنك ولا هنت



سعدت بحضورك وردك الوافي



لك تحيتي

صح بدنك بارك الله فيك


لا عدمتك



لك خالص تحيتي

صح بدنك ولا هنت



بارك الله فيك



سعدت بردك الرائع



لك خالص الود

صح بدنك ولا هنت



مشكور على هذا الرد الوافي


لا عدمناك



لك خالص الود