عيني تشوفك .. لو حجب شوفها سور=
لو هي غفت بالنـوم شــافـت قمرهـا=
نورٍ بنــــــورهْ يســـقـي النـــور بالنـور=
مع طلته غطـى الشمـــوس وقهرهـا=
ان غبت عني يمسي الصدر مكـدور=
وان جيتني هلت ســحايـب مطرهـا=
تعال .. ينبت للغلا عشـــــب وزهــــور=
ويزول عن نفـس ٍ تحبــــك كــــدرهـا=
بلسم وصالـك يجهلـه كــــل دكتــــور=
ويجن من سـر العيـون وســــهرهـا=
ربع الهوى لوعـة وباقيـه مســـتـور=
في نون عينٍ ضمتـك فـي بحـــرهـا=
عيني تشوفك والوله سيـل وبحـور=
قسـوة عيـال ادم حنانـك صهـــرهـا=
عيني تشوفك والنظر فيـك مجبـور=
ولو ماتشوفك.. مات فيهـا نظرهـا=