الليله.. اللي سـرت بـك .. شفتهـا عـذرا=
يكفي .. سترها الغـرام .. وصـان مقـدارك=
مايفضحك .. فـي غيابـك .. ليلـة المسـرا=
غيـر القصيـد.. ومـداه الدّمـع وأعـذارك=
لا ياحبيبـي .. وعينـك بالوفـا .. تـقـرا=
صدق المشاعر .. تفيـض بـدرب مشـوارك=
لا مانسيتـه عبيـرك .. وأنـت بــي أدرا=
يفـوح بـي .. والغـلا.. لازال بـأسـوارك=
قلـب ٍ ليـا غبـت عنّـه .. مالقـا مــذرا=
عيّـا عليـه الحنيـن .. وينبـض أشعـارك=
واللهفه اللـي جـرت بـه .. لهفـة ٍ قشـرا=
تمسـي وتصبـح علـى ذكـراك وآخبـارك=
الليـل وشهـو ليـا مـن غابـت القمـرا ؟=
والصّبـح وشهـو.. بليّـا فتلـة أنـوارك ؟ =
وشلـون أبنسـى ؟ ولالـي سلـوة ٍ تشـرا=
خصيمي .. الوقت .. والتحنان .. وجدارك ..!=
علّمتنـي .. فـي حضـورك قيمـة البشـرا=
تعال أعلّمْـك .. كيـف المـوج ف/ بحـارك=
ليت الـدروب فـ/ عيونـك يالغـلا خضـرا=
لو كان دربي ضما .. مـن غابـت أنهـارك=
ذي حالتـي .. ياحبيبـي شـفـت مايـجـرا=
ياسـرّي اللـي عجـزت أبـوح بآجـهـارك=
عذرا ... بقت داخلي .. هـي ليلـة المسـرا=
لا ماهتكهـا الغيـاب .. وهـان مقـدارك .. =