يا وقتنا لا تعطي الناس وجهين=خلك بوجهٍ زين واترك نقيضه
الى متى تختل فيك الموازين=وتضيع بك بعض العهود الغليضه
لا تفتح أبوابك على المنهج الشين=وتفرح بك أصحاب القلوب المريضه
قبل يزيد الدين مع صاحب الدين=بين حقوق النافله والفريضه
يمكن تصحي عالمٍ مستحقين=والا المخالف يمكن انك تغيضه
عبرك شفناها بشتى الميادين=ما يفتهمها إلا الرجال الحضيضه
ناسٍ بحزات الشدايد وفيين=وعلى الامانه والسراير حفيضه
يستر منهم صاحي القلب والعين=الطيب ثابت في ربيعه وقيضه
تلقى رفاقتهم على العسر واللين=رفقة شرف واللي عشقها تهيضه
ماهيب رفقه تفترق مع طريقين=ما ضمها غير النفوس البغيضه
رفقة مصالح حطها بين قوسين=واضرب عليها بالخطوط العريضه