القوافل العربية - وان تحدانـي زمانـي باتحـدا

المهداالزمن قـام يتحدانـي تحـدي
وان تحدانـي زمانـي باتحـدا
لوغدا وقتي مع الخلان ضـدي
ماتـردا والنشـامـا مـاتـردا
التهاون والتلاعـب والتـردي
ذي طبوع اللاش لاطال المهـدا
كم خوي في اللـوازم مايعـدي
وكم خوي لالفا الماجوب عـدا
افزعوا يالابتي ياصلـب جـدي
ابغي اللي لاخذ المرسـول ودا
خايف عقب الصبر ينباح سدي
بس انا باكتم على الأسرار جدا
والله اني واصل ذالليـل حـدي
من سبايب من خذا قلبي وشدا
مانفع فيـه التغلـى والتعـدي
يوم عاده عندنـا قـام يتعـدا
وعقبها شد ونقل عني وصـدي
ماكفى من بعد داره زود صـدا
صار دمعي ناقع من فوق خدي
ينتثر ويموج له جـزراً ومـدا
وصار شوفي قاصر ماهو يقدي
مع ظلام الليـل ماعـاد اتقـدا
وقمت اقبل ديرته من جد جدي
صار يبغى زود حـب وزود ودا
وموتري لااجنبت مايسرع يهدي
لاكن إلى اشملت ماعاد ايتهـدا
لانحرت لديرته من عـاد قـدي
ماعد الد النظر في الناس لـدا
لو خلافـي لازم مامنـه بـدي
اللزوم اللـي ورى داره امبـدا

الشاعر: عبدالله بن سالم ال عزبين