خسارة ما توقعتك تصدق هرجة الواشي=نسجها من خيوط العنكبوت وجاك شايلها
وصب الكذب في سمعك مسوي شيء من ماشي=زرع في قلبك الشكة وجيت اليوم تحملها
تطمن كان لك معقول لا تنغر باللاشي=كلام الصدق بين للعقول اللي تحللها
رما لك سم في وسط الدسم يا عل ما عاشي=طبيعة فيه وده كل خلق الله يزعلها
يشيل الحقد في قلبه ويرمي به على الماشي=يحسب الناس مثله بالطبايع في تعاملها
مناه يشوف كل الناس في وجعات وهواشي=بليس يدفه الملعون والمجنون يفعلها
يكدر صفو خلق الله ويتركهم وينحاشي=شياطين البشر ركايب(ن)لبليس يرحلها
لكني ما عليه محترص من كل غشاشي=برد الكيد في نحره من أخرها ليا أولها
أنا ماني من اللي لا بغاه الخبل يناشي=أنا مثل السما يا حسرته ماهو بواصلها
أنا معروف مسرايه ومرواحي ومغباشي=أنا من ساس صامل راس كل عين بكحلها
على وضح النقا بالخيل مغزايه و مطراشي=ليا مني نويت أفتل علوم الجد بفتلها
أنا مسلم أنا مؤمن أنا ماني كما الفاشي=بلا ملة ولا مذهب حقوق الله مهملها
أنا ما همني من هرجة النمام والواشي=ليا مني سمعت بهرجته بالحال بنطلها

صح بدنك ولا هنت



رد وافي من وافي



تقبل خالص التحية

صح بدنك ولا هنت


سعدت بردك



لك خالص التحية

صح بدنك ولا هنت



مشكور الله يعطيك العافية


لك تحيتي