الله وأكبر كل ما قلت له ليش = تترك كلامي وتستمع هرج واشي.
يلد له بعيون خرسٍ مراييش = ويسكت تقل كنّي من الناس لاشي.
ينكر هوى كنا به نموت ونعيش = يومه نظر عيني وسكناه جاشي.
أيام كنا بالصبا والصبا طيش =مولد هوى بقلوبنا كان ناشي.
عرضه نظيف لا تدنس ولا نيش =ولولا الصفا بالود ما كان عاشي.
ذبح الهوى شكٍ وغيره وتفتيش =وإيمانك بشكك بليا نقاشي.
لا شك أببعد عنك لو قلت لي ليش= كذّبتني وصدقت من كان واشي.