قسم بمن هو منزل الكاف والنون=إنك حبيب الروح لا جات للجد
يهون كل الناس والا أنت ماتهون=بعد سكنت الروح سكنى بلا حد
أمانة الله يا بعد كل مضنون=لا تنحرين القلب بالهجر والصد
ترفقي به بعد ما صار مرهون=يرقب حضورك أمس واليوم والغد
يامن سلبت الروح والفكر بلهون=إرفق بحالي هدني قاسي الوجد
إرحم بحال اللي غدا فيك مفتون=بين الرجا والياس فكره مشرد
كل يوم حالي دون في دون في دون=وأخاف ياتي يوم والحيل ينهد
وليا تقافت زين الأيام وشلون=يا قدرة الله ضعت ما عاد بنرد
أنا دخيل عيونك النجل والنون=وأنا دخيل الخشم والراس والخد
وأنا دخيل العود والشعر واللون=وأنا دخيل المبسم الزين والقد
تعال وأنقذني بعد صرت مرهون=تلعب بي الأمواج والجزر والمد
تعال هات يديك وأقول ممنون=قصر مشاوير العنا كافي الطرد
كافيني اللي فات وآهات وشجون=ولاني بداري يا غلا ما بقا بعد
تعال يغلا من سكن واسع الكون=بدل همومي فرح والحزن بالسعد
تعال لملم ما بقا وأنت بتمون=رش العطور وبخر الجو بالند
أشعل عقود الفرح كرمان لعيون=أفرش لوجه الأرض بالفل والورد
خل الفروح تحل والناس يدرون=بكيد عذالي وناس(ن)مقرد
قسم بمن هو منزل الكاف والنون=هذي مطاليبي وأنا منتظر رد

الروعة والجمال بهذا الرد


صح بدنك مليااااار


والف شكر على هذا الاطراء


لا عدمتك


لك خالص الود

صح بدنك ولا هنت


سعدت بردك الطيب

الله يعطيك العافية


لك خالص الود

المشاركة الأصلية كتبت بواسطة الهذلي (المشاركة 84372) صح لسانك ويعطيك الف عافيه على هل قصيده الطيبه وبيض الله وجهك