تلوميني على فعل فعلته=تحسبين المودة كثر لومي
أنا ما قلت لك حظي عرفته=لكنك ما تركز في علومي
قبل لا تلومني قلبك سألته=لماذا ما قضي عني لزومي
ترى سبة ملامك ما فهمته=على ماذا تشقين الهدومي
تمنن فوق شيء ما وهبته=تحاسبني على قاسي حلومي
وأنا لولاك ذنبي ما حملته=ولا طيرت عني حلو نومي
توردني على العد ما نهلته=وواصلت الصيام وطال صومي
وحبل الود بعد إني وصلته=تركته فوق جال البير شومي
بعد ما داخلي قلبي سكنته=تبيني سبحة بالكف تومي
لكني ما حسبت اللي حسبته=على صخرك تكسر لي سهومي
هدمت اللي على شانك عمرته=تكسر في قواي وفي عزومي
وجاي تقول ودك ما قطعته=وهو صار أبعد علي من النجومي
رحمتك يوم قلبي ما رحمته=ويا ليتك تعذر بمعدومي
بسافر عنك راسي ما خضعته=أعيش بعز ما عيش مهزومي
وخلك للذي قبلي حكمته=ترى ما كل رجال محكومي
أنا حر(ن)ليا منك زهمته=يحلق فوق علية الغيومي
لكن الطير شكلك ما حضنته=تحسب الحر طبعه طبع بومي
خسارة طيرك الحر وفلته=ياليتك كنت في طيرك رحومي

شكرا لك ولتواجدك



لك خالص تحيتي

صح بدنك ولا هنت



لك خالص تحيتي