يهناك نومك يريش العين يهناك=خل السهر لأهل العيون السهارى
لا تسهر عيونك عسى الروح تفداك=تسلم عيونك من وساف وحمارى
أخاف لا تسهر وتذبل حلاياك=وأنته بعيني سيد كل العذارى
خل السهر لعيوني اللي تمناك=بسهر على شأنك بليل ونهارى
نوم الهنا والعافية لا عدمناك=ياللي ملكت القلب سر وجهارى
ماعاد يهناني منام(ن)بلياك=لكن مالي عنه والله خيارى
الليل كله ساهر(ن)وأتحراك=متى تقوم من المنام نتبارى
أراقب الساعة متى يحين مصحاك=متى يشق النور نور النهارى
من شان أقل لك كيف ذا الليل عداك=منته بداري عنه قبل وغارى
تركتني لليل بهمي وذكراك=ما كني الا واحد من السكارى
أشيل ذا من ذا وهذا على ذاك=فعلي طوال الليل فعل الحيارى
حتى غديت من السهر شبه مسواك=يهون كسره لا نويت إنكسارى
ولا هي بمرة أسهر الليل وأبغاك=مرت عليه قبل هذي مرارى
كم ليلة سهرتها بعد لقياك=أسامر أطيافك وأدير إفتكارى
كله على شأن أسعدك وأطلب رضاك=وأنظم قصيدي فيك وأنت الشعارى
يالله عسى رب المخاليق يحماك=ويمدكم بالخير طول العمارى
هذا منى نفسي عسى الله يرعاك=مافيه داعي للمرى ونتمارى
ياعل نومك يريش العين يهناك=على الحرير وتحت حلو الدثارى

تشرفت بمرورك ورك الطيب


الروعة بذوقك


لا عدمناك


لك خالص تحيتي

صح بدنك وسلمت يمينك


تشرفت بردك وتواصلك


لا عدمناك

الذوق منك وفيك


سعدت بردك العذب وحرفك المميز


لا عدمتك


لك خالص الود


تقبلي تحيتي