تعالي أحضني شوقي تعالي يا غلا بسكات=تعالي لمي الأحلام خليها تسامرنا
يكفينا من أيام العمر يافاتنة ساعات=تداوي جرحنا الماضي وتسعدنا بحاضرنا
تعالي جمعيني بعد ما كلي غديت شتات=نبي نروي عطش أرواحنا بعد تبعثرنا
كفاية ما مضى من عمرنا اللي علينا فات=نصارع وجعة الفرقة وياخوفي تدمرنا
تعالي نبي نقهر زمان البؤس واللوعات=تعالي بسحرك المعهود زجيه بنواظرنا
تعالي لمي بكفك من أعماقي الآهات=نبيها جمر نشعل به عطور في مباخرنا
نبي نحكي شوي ونصمت شوي في سجات=نراجع ما كتبنا بالليالي في دفاترنا
قوافي شعرنا مابين سر وبوح في همسات=لها أحلامنا جنحان تحملنا وتطيرنا
معانيها أمانينا ونبض الحرف والأبيات=صراخ العشق في قلبين حاصرها تصبرنا
تعالي أبهري ليلي بثغر ينشر البسمات=تداوي لوعة الحسرة وتجبر في خواطرنا
تعالي أخذي مرادك بليا هاك والا هات=نبي نطفي على ليل الهنا حارق مجامرنا
تعالي وأكتبي بكحلك على تاريخي حكايات=نبيها معجزة للناس ماتقدر تفسرنا
أنا وأنتي ليا متنا ترى ماهو مثل من مات=نبي نترك شواهد للزمن حتي يتذكرنا

تعالي نسكت احسن من كلام تاليه جـرووح=هلا بالصمت دام الصمت ما يجرح مشاعرنا
انا وانتي وطول الصمت والدمعه وكثر البوح=وليل ما بقـى بـه حيـل ينهانـا ويامرنـا
بكى ما كنه الي كان يغرينا مـرح وامـزوح=سكت ما كنه الي كـان ملهمنـا وشاعرنـا
توحي تسمعين اليل مدري وش بلاه ينـوح=على ضحكاتنا ولا علـى كسـره خواطرنـا
اذا يبكي من الفرحه علـى الـذي يـروح=واذا يبكي على الحزن تكفين قوليله يسامرنا
ويجبر خاطر قامت هواجيسه تجي وتـروح=يشوف الحال ويكف السؤال الـي محيرنـا
صحيح انا صبرنا واعتبرنا صبرنا مصلوح=ولاكن ما بقى شـي عقـب هـذا يصبرنـا
دخيل العاتق الي له ورا الجدي لـه ضـوح=وفـي جـاه الشفـا بنسمتـهـا تعطـرنـا
وفي وجه العيون الي بقا للدمع فيهـا روح=لاجل خاطـر ليالينـا وماضينـا وحاضرنـا

المشاركة الأصلية كتبت بواسطة نجم العرب (المشاركة 66469) صح لسانك وعلا شأنك روعة جدا بل ربما أنها أحسن من القصيدة المنظومة مجاراة لها الله يعطيك العافية على هذا الابداع تقبل مروري

المشاركة الأصلية كتبت بواسطة الــذيــب (المشاركة 66476) صح الله لسااااااااانك وبيض الله وجهك قصيده رائعه وابداع من ابداعاتك الله يعطيك العافية تقبل أرق التحايا و أعذبها

المشاركة الأصلية كتبت بواسطة ابن عميش (المشاركة 66512) بن هليل الله يعطيك الف عافيه على هذه القصيده الرااااائعه والجميلـه فعى قمة الابداع والتألق لك التحيه والتقدير

المشاركة الأصلية كتبت بواسطة عساف الأصائل (المشاركة 66524) صح لسانك وعلا شانك قمة الروعة والابداع صور شاعرية رائعة لا عدمنا هذا الـتألق تقبل مروري

المشاركة الأصلية كتبت بواسطة حورية البحر (المشاركة 66546) كلمات عجز قلمي ووقفت اناملي عاجزه لتعبير عن مدى جمال وروعة هذا الكلمات .. كلمات رائعه والها صوت رنان كروعة تواجدك بيننا .. سلمت وسلمت يداك أخي بن هليل يعطيك العآفيه لا عدمنآآكـ..

المشاركة الأصلية كتبت بواسطة ابو عبدالرحمن (المشاركة 66591) ابن هليل صح لسانك و سلمت يمينك قصيده جميله وراااااائعه بيض الله وجهك تقبل تحيــــــــــــــاتي