تنشد عن الأحوال يا طيب الفال=الحال من بعدك ظلم وإستبدا
بعض الحمول خفاف بالعزم تنشال=والا بعضه للكواهل يضدا
والحمد لله دايم بكل الأحوال=قديش بشكي من ظروفي وأعدا
لو كان همك حالنا كان ما طال=عنا غيابك وإن ندهتك تصدا
لا تعتذر وتقول دايم على البال=ماني على بالك ولاني مبدا
حل الجفا من يمكم ودكم مال=لكن مدري منهو اللي تودا
الحظ يا شينه ليا صار ميال=أشيا كثير تمرنا ثم تعدا
نركض مع الأيام بحل وترحال=اليا رمينا هم هم إستجدا
وأظنك أنته شكل من ضمن الأشكال=اللي تعاقب بين جايب و ودا
يا كم بعثنا لك من الشوق مرسال=عود لنا المرسول من غير ردا
حتى غدا ما نفعله كنه هبال=كنا على ما قيل منك نتجدا
ودك تشمت فوقنا ناس عذال=مدري تبانا للصدود نتحدا
هون على روحك ترا العزم ما زال=ما فيه مخلوق لعزمي يهدا
لا تفتكر عيني تغرق بهمال=لأجل الهوى حرام ما عيش عبدا
ما دامني رجال بعيش رجال=حتى ولو إنك عزيز وتفدا
أما تعال بعز وإكبار وإجلال=تلقى الذي يرضيك من غير جهدا
والا نتوادع وأترك القيل والقال=لا عاد يمي بالنواظر تلدا
دور بدالي والنتائج بالأفعال=أما خدمك الحظ والا تردا

صح بدنك ولا هنت


شكرا لك على الرد الطيب

صح بدنك ولا هنت


سعدت بردك

لك تحيتي

الف شكر لمرورك الكريم


وتواجدك المستمر


لك


تحيتي

صح بدنك ولا هنت


الله يعطيك العافية


ومشكور على الرد الطيب



لك


تحيتي