خليك في روحتك وأنا بروحتي=بعد تفرقنا صعيب التراجع
أنا لقيت النفس في كهف خلوتي=ما فيه داعي تقلبين المواجع
ياللي حسبتك طب وأصبحت علتي=ماني بلاقي عندكم طب ناجع
ملتك بالأحلام ماهي بملتي=أخير من شين الوصال نتقاطع
كوكبك خارج عن تجاذب مجرتي=طفيت نوره بعد ما كان لامع
ماعاد أنا خلك ولا أنتي بخلتي=إنسي زمان(ن)بيننا كان ضايع
ياكبر زلاتك وياهون زلتي=في هذي الميزة بقول لك رايع
دونت بالنوتات حتى تملتي=قد أيش بكتب بالصحايف وقايع
إن كان لي غلطة ترى كل غلطتي=إني شريتك وأنت للشوق بايع
ماني على شأنك مجازف بذمتي=دائم وأنا متبوع ماني بتابع
لو كان قصدك بس تبغا مذلتي=والله محني الراس وأجيك راكع
الله مكرمني بعقلي وحكمتي=ماني لغير الله في يوم خاضع
خلاص أنا رميتكم جوف سلتي=مع تالف الأشيا ونفل البضايع
النفس تأبا لا تناديك حلوتي=لو قلتها بكون مثلك مخادع
حان الرحيل ولا تحلم برجعتي=منته محصل من وراها منافع
ماني بناشر صورتك في مجلتي=ولا فيه داعي بالفراق نتوادع
حتى ولو عينك من الدمع هلتي=ماني على ما صار نادم وجازع
بردم بطمي الوهم والصبر بركتي=ليا جفت البركة تموت الضفادع
خلك تموت من الندامة بحسرتي=جرب مثل غيرك هموم ومدامع
بحرمك من شوفي مدى العمر طلتي=هذا قراري صعب عنه التراجع
أخر كلامي إسمعه قبل رحلتي=قال المثل:مايستون الأصابع

المشاركة الأصلية كتبت بواسطة صقـر عتيبـة (المشاركة 57575) بن هليل صح السانك قصيدة جميلة وجزلة ومميزة تقبل تحياااااااااااااااااااااااااتي صقر عتيبة

صح بدنك ولا هنت


سعدت بردك الجميل


لك


تحيتي

ضوء القمر


أنورت الصفحة بنورك


طلتك البهية جملت القصيدة


لك


تحيتي

المشاركة الأصلية كتبت بواسطة صقـر عتيبـة (المشاركة 57687) بن هليل صح السانك قصيدة جميلة وجزلة ومميزة تقبل تحيااااااااااااااااااااااااااااااتي صقر عتيبة

صح بدنك ولا هنت


سعدت بردك


لك


خالص تحيتي