لا تظلميني وأنا ما بينك وبيني=ماهو بمثل الذي مابينك وبينه
لو قلت لك يا غلا منزلك في عيني=ماطاب لك ودك تكونين في عينه
قدمت لك قلبي الصافي على يديني=وأقفيت عني تمنى مدة يدينه
لو كنت صادق على ما قلت تبيني=ماكان صديت حبي لو تريدينه
وأنا أدري إنك بعد مده بتنسيني=لكن منهو بقلبك صعب تنسينه
من يومها عارف إنك ما تحبيني=قد قلت لي وقتها باللي تحبينه
قفلت بيبان قلبك لا تجاريني=وأقفيت عني وقلبي صارخ(ن)وينه
عييت من نهرك الجاري ترويني=حتى غدا القلب صحرا لو تشوفيته
ذبحت شوق(ن)من أول ساكن(ن)فيني=اليوم صعب(ن)بعد مامات تحيينه
لو قلت يمديك أنا ماعاد يمديني=لو صار هذا بالأول كان يازينه
لكن ما ظن مثل أول ترديني=ما فاتنا من عمر يصعب تردينه
أقفت سنينك وأنا ملتني سنيني=الله يرحم زمان الشوق وسنينه
لكن بقول لك كانك توديني=كل شيء يحلا ليا صار في حينه
خليني أبقا على ما كنت يكفيني=إني بوقت(ن)مضى كنتي تودينه
جفت منابع قصيدي وعذب تلحيني=الشعر ماعاد يطرب لو تغنينه
الورد ذبلت زهوره في بساتيني=ما هو بمثمر ولو كل يوم تروينه
هذا ملخص جوابي لا تلوميني=اللوم لا زاد والله حيل يا شينه

المشاركة الأصلية كتبت بواسطة ابن عميش (المشاركة 57066) يشرفني ان اكون اول من يقراء هذه القصيده الجميله والرائعه استاذنا الغالي لك الشكر والعرفان والتقدير

الذوق والابداع منك وفيك


والف الف شكر على مرورك وردك العذب


كم أسعدني تواجدك


تقبلي خالص


تحيتي

سكون الليل


صح بدنك يالغالية ولا هنتي


سعدت بردك الجميل


الله يعطيك العافية

لك

تحيتي