اذكري ساعة تجمعنا وسرى=ضمنا ليل وفرقنا صباح
ساعة كانت على متن الثرى=علها بلسم على كل الجراح
خلسةٌ ما احد من العالم درى=وفرحة الاشواق بعيون الملاح
بعد كل هام باحلام الكرى=والفكر من نشوة الاحلام ساح
جيت اقابل سيدي سيد الورى=بعد حدد ساعة اللقيا ولاح
ياحبيبي بالهوى حنا خشرى=يا حبيبي جئت والدنيا كفاح
قال لي وش ذا المحبه ياترى=وش سببها بعد ما كل شي راح
قلت: لا تسأل عيونك هي ترى=غير من نشن على قلبي الرماح
ذاب قلبي في هواكم وانبرى=والهوى من عرف دربه مستراح
كان شاريني فانا قلبي شرى=وإن هجرتوني ترى سم ذحاح
لملم اللي تقدره ثم بعثرى=ما بقى مني هموم(ن)وارتياح
وجهها في ظلمة الليل أنورى=كن بدر الليل في وجنته طاح
قال:لي أصبر شوي أتعطرى=قلت:ريحك عطر عندي يوم فاح
أبرك الساعات لليل(ن)نسهرى=مع بعضنا في ضحوك(ن)وإنشراح
علنا نبري كبود(ن)فطرى=الغرام أوصالها بكثر النواح
كم ذرفنا من دموع(ن)تنثرى=لين دمع عيوننا يا خي باح
يكفي من أيامنا ما قد جرى=قالها من جد مدري من مزاح
المهم الله علينا يسترى=قالها والصوت فيه إلإنبحاح

المشاركة الأصلية كتبت بواسطة binhlailبن هليــل (المشاركة 30681) الله الله صح لسانك غزلية من الدرجة الممتازة لك تقديري

المشاركة الأصلية كتبت بواسطة القنـــــاص (المشاركة 30763) صح لسانك وعلا شأنك قصيدة مميزة لك تحيتي

المشاركة الأصلية كتبت بواسطة عساف الأصائل (المشاركة 30840) صح لسانك وعلا شأنك ما قصرت قصيدة جميلة لك تقديري

المشاركة الأصلية كتبت بواسطة عذبة الالحان (المشاركة 30920) المستشاريعطيك العافيه وصح لسانك قصيده بقمت الروعه مثل صاحبها

المشاركة الأصلية كتبت بواسطة دليل القوافــل (المشاركة 30942) صح لسانك رائعة الله يعطيك العافية لك تقديري

المشاركة الأصلية كتبت بواسطة كامل الأوصاف (المشاركة 31055) صح لسانك مليون ولا يكفون ما قصرت بيض الله وجهك