مـن لا يقدر صحبة القلب والعين = لا تقدره لـو كان عـمـره ثمانين
من لا يعز الجنب في وقته الشين = لا تسأله تـقـول رايـح على ويـن
خـلـه يقفي مثل باقـي المقفين = لـنـه سخيف ولا يـعـز العزيزيـن
مـن قـدرك رجع له الصاع صاعين = خلك معه في قسـوة الوقت واللين
مـن لا يثقبك يتركك بين نـارين = نار الثقه اللي فرقت بين قلبين
ونار المذله لجل ترضي المحبين = وكـلاهـمـا نار(ن) جوف الشرايين
كـرامـة الانسان أثقل من الدَين = ليا أنهدم بيت الكرامة رجع طين
ماعاد يسوى عند الاجـواد قرشين = يصبح رخـيـص ولو رصـيـده ملايين
مـعـزة الانسان هي أجمل بساتين = يقطف ثـمـرها ويهتني فيها سنين
تلقى فـي بستانه طيب ورياحـين = وشـجـرها الرمان والنخل والتين
ليا ذهبت معزته صـاده الـبـين = مثل الصقر اللي كـسير الجناحين
يصـبـح فريسه للقطط والثعابين = مـن عـقـب ماكانـت تخشاه وتلين
دنيا البشر سفينه بـلا عناويين = تلعب بـهـا الامواج إيسار ويمين
هذي هيا الدنيا من أول والحين = نـركـض ولا نـدري على وين ماشين

المشاركة الأصلية كتبت بواسطة عذبة الالحان (المشاركة 27898) يسلمو هاليدين صح لسانك يالذيب

المشاركة الأصلية كتبت بواسطة binhlailبن هليــل (المشاركة 27911) صح لسانك بيض الله وجهك لك تقديري

المشاركة الأصلية كتبت بواسطة أمـيـره بـكـلـمـتـي (المشاركة 27929) صح لسانك وسلم بنانك لا تحرمناابداعاتك تقبل مروري

المشاركة الأصلية كتبت بواسطة كامل الأوصاف (المشاركة 27958) صح لسانك قصيدة جميلة ما قصرت لك تقديري

المشاركة الأصلية كتبت بواسطة صقـر عتيبـة (المشاركة 28078) صح السانك قصيده في قمة الجمال ومشكوووووور على القصايد الجميله لـــــــــك تـــــحـــــيــــــااااااااااااتــــــي صقـر عتيبـة

المشاركة الأصلية كتبت بواسطة القنـــــاص (المشاركة 28107) صح لسانك ما قصرت قصيدة جميلة لك تقديري