يا مرحبا يا من لها القلب مشتاق=شوق الصحاري مقبلات السحايب
إن غبت عني خاطري بالبعد ضاق=وليا حضرت أنسى عزيز الحبايب
كم ليلة(ن)الفكر مشغول ما راق=لأجلن قلبي من مودتك ذايب
شوقتني للحب والشوق خناق=ما جبت من بعده يكود المصايب
حملتني حمل(ن)من الصبر ميطاق=لو قلت صائب طحت ماني بصايب
سرقتني بالود والود سراق=اللي يصيبه عاد مهو بطايب
أنا ورا الأحلام بلحيل منساق=أطرد ورا طيفك ولاني بآيب
ترى لشوفك يريش العين تواق=حلم(ن)يراودني وفيه العجايب
متى يجي يوم(ن)تبادلني إعناق=وتموت والا أموت ماني بتايب
وأنا وطيفك والزمن بيننا سباق=وأنا محب أكون مهزوم خايب
كل الذي أعرفه من شوق حراق=جلب على روحي جميع السبايب
أحس في قلبي من اللهف دقاق=لا من ذكرتك يا حسين الترايب
طيفك ليا منه لما مثل براق=يرعد خفوقي والتنهد هبايب
بعد ملكت الفكر خلك بالأعماق=مرضى بعدك(ي)للمعاليق نايب
هذا غرامي بكتبه فوق الأوراق=والخوف من حرقته تصبح شبايب
ما يعرف الأشواق يكود من ذاق=غدا للوعات المحبة نهايب
بكتب قصيدي فيك ما دامني باق=حتى يحطون النثل والنصايب
بحط من شعري على جيدك أطواق=يم العيون النجل وأم الذوايب
ما همني إن لاق وإن كان ما لاق=ما دامني أهواك ماني بسايب
هذا قراري وأنت للشعر ذواق=والشعر مرسال الهوا والرغايب
أنا أجتهد والله مقسم للأرزاق=ولاني بضامن شي بالغيب غايب
لكن فيني خوف من ساعة فراق=يصبح بعدها أسود الشعر شايب

المشاركة الأصلية كتبت بواسطة ۞النجـــــم۞ (المشاركة 24119) حجز ملكي فاخر درجة أولى صح لسان وعلا شأنك مدد بلا عدد قصيدة رائعة بروعة شاعرها مبنى ومعنى لك كل التقدير

المشاركة الأصلية كتبت بواسطة القنـــــاص (المشاركة 24127) حجز أميري فاخر صح لسانك وعلا شأنك رااااااااااااااااااائعة من روائعك المتكررة لك خالص الود

المشاركة الأصلية كتبت بواسطة سكون الليل (المشاركة 24214) صح لسانك يا بــــــــــــــــــــــــــــ هليل ــــــــــــــــن ومنتظرين المزيد

المشاركة الأصلية كتبت بواسطة عساف الأصائل (المشاركة 24246) يا مرحبا يا من لها القلب مشتاق شوق الصحاري مقبلات السحايب إن غبت عني خاطري بالبعد ضاق وليا حضرت أنسى عزيز الحبايب كم ليلة(ن)الفكر مشغول مـا راق لأجلن قلبي مـن مودتـك ذايـب شوقتني للحب كلمتين بقصيدة عن قصيدة فكيف بباقي الابيات درر بس وين اللي يعرف هذا الابداع لك تقديري