طالعت يمي وصدت بالنظر=ماني بعارف سبب صد الهنوف
هو خجل والا لشوفتنا إحتقر=يوم سوت نفسها مهي تشوف
خاطري من فعلها حيل إنكسر=والحسايف كان صدتها عيوف
موقف(ن)ما قط في دنياي مر=فعلها كنه على خدي كفوف
قلت لازم عاد يبدي لي خبر=بتحرى وأتعرف بالظروف
قمت أباريها وأصلح بالغتر=صار يسرقني بنظرات الكسوف
قلت عينك رمشها فيه الخطر=حدها ساطي مثل حد السيوف
كل جسمي يوم ناظرت إقشعر=صابني زلزال مدري في خوف
قال:أنا وحده مثل كل البشر=ماني بخابره زايد وصوف
قلت:هذا الزين كله يا قمر=ليش بالله تركنه فوق الرفوف
لانت العذرا بعد كر وفر=بيننا الجوال واسمي بس نوف
اتصلت وقلت قلبي إنفطر=من غرامك يا حياتي روف روف
قالت:اصبر قلت:خلصت الصبر=كيف بصبر وأنت في فكري تطوف
قالت:أخطبني ولا تدفع مهر=غير بيتك كمله لأجل الضيوف
والوعد ما بيننا تال الشهر=قلت:حاضر والتعب فيك مخلوف
جيت بخطبها وقالوا:إنتحر=يوم عرفت قبلها حرمه نصوف
وتركت لك خصلتين من الشعر=جوف ظرف(ن)ما على ظهره حروف
بداخله لقيت من وصفه عبر=كاتبه بالوان وردية وموف
ليا قريته موت من بعدي قهر=مثل ما مت لأجلك بالحسوف

المشاركة الأصلية كتبت بواسطة الـشـامـخ (المشاركة 23860) صح الله الساااانك على القصة والقصيدة بس ليه موتها من القهر ليه ماكنت صريح من البداية حراااااااااااااااااام عليك ذبحتها لك أرق وأعذب الاماني

المشاركة الأصلية كتبت بواسطة عساف الأصائل (المشاركة 23865) الله عليك مبدع حوار نهايته مؤلمة ماتت البنيه لك التقير

المشاركة الأصلية كتبت بواسطة نجم الحجاز (المشاركة 23874) طالعـت يمـي وصـدت بالنـظـر ماني بعارف سبـب صـد الهنـوف هـو خجـل والا لشوفتنـا إحتقـر يوم سـوت نفسهـا مهـي تشـوف خاطري مـن فعلهـا حيـل إنكسـر والحسايـف كـان صدتهـا عيـوف الله عليك ما أروع قصائدك أتحفنا بالمزيد لك كل التقدير

المشاركة الأصلية كتبت بواسطة ۞النجـــــم۞ (المشاركة 23896) تعجز كلمات الشكر قصيدة قمة بالروعة إذا كنت نسجتها من خيال فكيف برسمك للواقع لك تقديري

المشاركة الأصلية كتبت بواسطة القنـــــاص (المشاركة 31151) صح لسانك وعلا شانك قصيدة رائعة سلمت يمينك بيض الله وجهك

المشاركة الأصلية كتبت بواسطة المستشــار (المشاركة 31152) صح لسانك وعلا شانك ما قصرت سلمت يمينك