أنا اشهـــد إن الطيب فيكِ أصيـل=بين كلامك راقي الحــس والــــذوق
وأنا اشهـــد إن الحـب فيك قليـــل=تستأهلين أكثـــر من العشق والشـوق
وأنا اشهد إنـك وافيــــه بالجميـل=يا غاليــة أنتِ على الــرأس من فــوق
وأنا اشهد إنك تــــاج رأس الخليل=وأنا اشهـــد إنك درة البـدو والســوق
والله على ما أقـــول نعم الوكيــل=من يعرفــــك صرتي مثل دم بعروق
خذي قلــوب الناس وريهـم الويل=والطيب والمعــروف برقــابهم طـــوق
أنتِ مثل بدرٍ جـــلا ظلمة الليــل=وأنتِ مثــل عطــر مع الأنف منشـوق
خـلك بدرب الصــدق كب التماثيل=بالصــدق تحــرق قلب حاسدك تحـريق
أنــا ترى قلبي على مثـلك يميـل=أسـرح لذكـراكم سويعــات وأفـــــوق
أذكـرك بالأحــلام وأحــط وأشيــل=كني من الأوهـــام بلحيــل مخنـــوق
وأذكرك تــال الليل وقت التعاليل=وأذكرك وقت الصبح والفكــر معـزوق
كني عرفتك يا غــلا قبـــل ما قيل=ما كنهـــا ساعــات من عمـر مسروق
ولولا ظروفـك والزمن والتهاويل=لقـول هـذي بنت عمـــي بنـي روق
بحطــك بعيني وأظللـــك تظليــل=برموش عيني لا يشاهـــدك مخلــوق
مشتاق لك شوق المزارع لماء النيـل=وإلا الصحــاري للمطـــر رعـد وبــروق
هذي مشاعر شــاعر كالــها كيـــل=ولا كـل مطـــرود بذا الـوقت ملحـوق
وأرسلتهـــا على بريدك بالا يميـل=ما هي بظرف من زوايـــاه ممــزوق
وليا قريت حــروفهــا والتماثيــل=غن القصيـــد وقول عذبات وطـــروق
وإن راق لك ما قلــت رد المراسيـل=وأكتب عليهـا ســر والــرأي موثـوق
فصل معانيها على الكيف تفصيـل=البس ولبســني ثيــاب بـلا شقـــوق
وإن شفت منها شي يحتاج تعديل=عدل خطاي وراعـي الصدق مصدوق
ولا تنشر الأســرار بيـن المهابيــل=تفضحـك لو إنــك عن الشـين مـدروق

المشاركة الأصلية كتبت بواسطة ۞النجـــــم۞ (المشاركة 19214) وأنا اشهد إنـك وافيـه بالجميـل يا غالية أنتِ على الرأس من فـوق تستاهل إذا كان هذا وصفها لك كل التقدير

المشاركة الأصلية كتبت بواسطة الــزعــيــم (المشاركة 21295) صح الله السااااانك وبيض الله وجهك لك خالص التحية