أنتهى صبر المولّـع وبـاح السـد بـاح=وأنقطع حبل الرجاء بين ذاك وبين ذيـك
كلما غرّد على الغصن عصفـور الفـلاح=مالت الورده على جـال ساقيهـا تبيـك
عقب ما كانت تصَبّح بوجه أحلى صبـاح=شمة أنفاسك ومسحة حنـان مـن يديـك
أصبحت من بعَد فرقاك لو ماهـا قـراح=يندب العصفور والغصن والـورده هليـك
غرسةٍ فيها النضاره ومنها العطـر فـاح=يوم كنت تسوقهـا كـل يـوم وترتويـك
خلف سور ماتهـزه عواصيـف الريـاح=في ضفاف اللي ملكته ولا لك به شريـك
ياملاك الحسن نبـع الصبابـه والسمـاح=أشهد إن ربي على الكون كله مصطفيـك
في عيون اللي غدى مثل مكسور الجنـاح=من صروف الوقت والبعد في حالٍ دريـك
أه لاذعذع مـن الغـرب والا البـرق لاح=شافته عين المعذّب وهـو مثـل الشبيـك
والله إنها أدمى على القلب من جلد السلاح=لاتذكّـر طلـة البـدر والحلـم الوشيـك
ساعةٍ يطرب لها البـال ياظبـي البـراح=بيـن مظنونـك وبينـك ولاتنقـد عليـك
جعل يفدونـك دعـاة الهـواء والإنفتـاح=والجمال اللي يقلّـد علـى هِيـدا وهيـك
ياملك عرش الجمال الطبيعـي والوشـاح=أنت مامثلـك ولاغيـرك لعرشـه مليـك
فيك للروح إنتعاشـه وللصـدر إنشـراح=والسعاده والهنـاء كلهـا يـوم ألتقيـك
الحلا والدل واللطـف والسحـر المبـاح=والمشاعر والحياء الجم ثوبـه مكتسيـك
والحنان وطيبة النفـس ياسيـد المـلاح=كل وصـفٍ نـادر للجمـال ألقـاه فيـك
الشعر والجيد والخصر ألاهيف والشْحـاح=فوق صدرٍ ريحة المسك من فوحه تجيـك
والجبين أللي يشعشع مثل شمس الصباح=البحر من دونها والشفـق فـي وجنتيـك
والثمان اللي تـلالا ورا حمـرٍ صحـاح=وأن تجلت بسمة الثغـر يرحـم وألديـك
لو يشوفك طير حوران من عاليـه طـاح=مثل ماطـاح المعنّـى بنظـرة ناعسيـك
وأسقى الله يومني وأنت يالخود الـرداح=نقطف أزهار البساتين في واحـة ذويـك
قبل ترمينـا عيـون المشفّـح بالرمـاح=وتّحقق غاية أهل الحسـد فينـي وفيـك
والمصيبه يا اريش العين حـق مستبـاح=والمفارق مثل قولـة عسـى الله يبتليـك