يا شريف الزمان الأولي قوم عيده=
ودنا تالي الأيام بعد نتخاوى=
خوتك راسخة ماهي بخوة جديده=
في دروب المعزة يا شريف انتساوى=
من قريش النبوة والفعول المجيده=
ومن عتيبة ذيابٍ(ن)بالجزيرة تعاوى=
يا شريف القصيدة ما تسمى قصيده=
لين فيها معاني محكماتٍ(ن)تهاوى=
مير جهز خيولك واقشر الوقت كيده=
خل غبر الليالي من فعولك تصاوى=
مصر من سالف الأزمان خصبة مفيده=
وأنت رجلٍ(ن)تحب المرجلة والحلاوى=
مصر حذفة حجر ماهي علينا بعيده=
ما تكلف علينا نشتري وانتداوى=
واكتم السر لا تنشر خبر بالجريده=
لا تقوم علينا بالمحاكم دعاوى=
خل سر الليالي بالقلوب الجويده=
لا تفكه تعشا به طيورٍ(ن)شلاوى=