أجمل الساعات ساعة في لقاك=في هدوء بدون ضيق وصعصعه
أحتضن حلمك وحلمي في يداك=فوق نبض الشوق ممكن تطبعه
تشعل لظلمة مسانا من سناك=والمشاعر في حضورك مُشرعه
يا حلاة الهمس منك ويا حلاك=يا شذى ورد الغرام ومنبعه
فيك مدري منك يا مشرق بهاك=قلبي المفتون لاقي مصرعه
أشتقى بك ما لقي شافي دواك=ما لقي إلا الهموم المفجعه
كيف يرتاح المعنى من جفاك=وأنت عن حلو المواصل تمنعه
يا شبيه المستحيل ويا ملاك=التواصل بيننا لا تقطعه
الغرام اللي بلاني لو بلاك=كان ما تقوى بكيفك تدفعه
دامني وقعت بحبال وشراك=النهاية يا حياتي مفزعه
قلبي المتعوس ماحب لسواك=ما حمت قلبي بجوفي أضلعه
طاح مني دون مدري بالشباك=ما قدرت بكل جهدي أنزعه
راح عني يا بعد عمري وجاك=طاح عندك يا غرامي بأربعه
ما قدرت أمنعه غالبني ذكاك=الوله والشوق منهو يردعه
الهوى تاليه يا مغرم هلاك=الله إنه يا غناتي يقلعه
أجمل الساعات ساعة في لقاك=في هدوء بدون ضيق وصعصعه