يا هاجيسٍ(ن)طيف الغلا ضيفه=كني أشوف الترف قدامي
الغائب اللي بالفكر طيفه=أخاف طيفه يجرح صيامي
ماهو على كيفي ولا كيفه=يلعب بقلبي لعب الأحلامي
أسامره وأعشق تواصيفه=نبع الغرام ومصدر الهامي
يرتاح بالي من سواليفه=ماني بمله طول الأعوامي
لكن زماني شان تصريفه=قرب نفوس وباعد أقدامي
البعد دونه جاردٍ(ن)سيفه=ناوي عليًه قصده إعدامي
يا حيف حظي بس يا حيفه=أبعد وليف وقرب أسقامي
كثرت على قلبي تخاريفه=أسهر وعيني عيت تنامي
والقلب لن بعدو مواليفه=يغرق ببحر هموم وأوهامي