تمخطري يا قصيدة زان معنى القصيد=ما عاد لك عذر في معنى ولا قافيه
غوصي بحور القوافي واطلعي بالجديد=خلي فؤادي يحس بريحة العافيه
من عقب عود عليًه من سكن بالوريد=شفا عروق المحبة والله الشافيه
اليوم عندي رجوعه بالسلامات عيد=يا مرحبا يا هلا يالدرة الصـافيه
إرقي بعرش الخفوق اللي بحبك سعيد=تنعمي في مشاعر صادقة دافيه
هذا مكانك بقلبي ما نزل فيه سيد=ينطر مجيك بشوق وللعهد وافيه
ما غيره يا غناتي في غيابك شديد=باقي على ما خبرتي والهوى مافيه
حكم خفوقٍ(ن)تولع فيك والحب قيد=واللي لقي من غرامك يا غلا كافيه
ما أريد غيرك ولا يرتاح قلبي لغيد=أنتِ(ي)وبس بحياتي نعمةٍ(ن)ضافيه
فيك الحسن والدلال وفيك ما هو بريد=يا جنة العشق يا بسمة عُمر لافيه
زيدي محبك محبة مطلبه بالمزيد=يا منبع العشق كله بين وخافيه
رصيد حبك بقلبي زودي به رصيد=وحساب حبك بقلبي سر ما إنشافيه
ما يعرفه غير ذاتك بعد رب العبيد=اللي عن الخلق عينه ماهي بغافيه
تمخطري يا قصيدة زان معنى القصيد=ما عاد لك عذر في معنى ولا قافيه

المشاركة الأصلية كتبت بواسطة بدوية حرة (المشاركة 202486) صح لسانك شاعر الاحساس المرهف ربي يسعد قلبك

المشاركة الأصلية كتبت بواسطة عبد المجيد (المشاركة 202487) ‏شيخنا بن هليل مساك عذب القصيد الزين واحساسه صح لسانك أبدعت لا عدمناك

المشاركة الأصلية كتبت بواسطة أبو الطيب (المشاركة 202489) صح لسانك قصيدة تستحف الاشادة موفق

المشاركة الأصلية كتبت بواسطة عبير الشوق (المشاركة 202491) استاذي على سطور صفحتك اسجل اعجابي صح نبضك والقلم

اصدقائي الأعزاء

طابت اوقاتكم اسعدني حضوركم وعذوبة حرفكم

تفديري للجميع