يا وليفي طالبك حاجتي بأمن وحما=حاجتي للي بقلبي تخفف من عنـاه
ماني بحاجة عصاير ولا حاجة لما=شف روحي شربةٍ(ن)من عسل حمر الشفاه
اسقني من ريقك العذب يا عذب اللما=العطش واصل معي يا بعد عمري مداه
يابسه كبدي من الشوق من حر وظما=والسحاب اللي به المي ما قطر بماه
مزنتي بالأرض ما خلت مزنه بالسما=غيثها سر لوجودي ومعنى للحياه
ما خلق ربي كماها ولا ظني كما=عشق روحي للغلا لين ذابت من غلاه
في هواها خافق الشوق عجل وإرتمى=ما تريض لين يعرف جروحه من دواه
طاح في جمر الهوى مثل ما طاح العمى=مع شفا جرفٍ(ن)هوا به وكسر له عصاه
تنزف عروقه مشاعر مثل نزف الدما=ما تهنى في زمانه ولا حصل هواه
يا وليفي طالبك حاجتي بأمن وحما=حاجتي للي بقلبي تخفف من عناه